BITARTEKARITZA PROIEKTUAK
Bitartekaritza-proiektuak diseinatu eta aurrera eramaten ditugu, hainbat arrazoirengatik:
Gure dantza garaikide berritzaile eta konprometituagatik aintzatesten gaituzte, ez gara eszenatorkietara mugatzen. Gure bitartekaritza-proiektuen bidez, mundu artistikoa gainditzea eta komunitatearekin modu esanguratsuan konektatzea bilatzen dugu. Sormenez eta pasioz diseinatutako proiektu hauek hainbat helburu dituzte, dantzaren hedapen hutsetik haratago doazenak.
Sentsibilizazioa eta publiko berriak sortzea
Sentsibilizazioa da bitartekaritza-proiektuen funtsezko zutabeetako bat. Dantza garaikidea publiko ezberdinetara hurbildu nahi dugu, oztopoak eta aurreikusmoldeak hautsiz. Tailer, hitzaldi eta ikuskizun egokituen bidez, adin eta jatorri guztietako pertsonak gonbidatzen ditugu dantza garaikidearen mundua ezagutzera, ez bakarrik ikusle gisa, baita sorkuntza-prozesuan parte hartzen duten pertsona aktibo gisa ere.
Artea gizarte-aldaketarako tresna gisa
Gure konpromiso sozialaren ildotik, dantza erabiltzen dugu Garapen Iraunkorreko Helburuei (GJH) heltzeko tresna gisa. Bitartekaritza-proiektuek ongizatea, genero-berdintasuna, ekoizpena eta kontsumo arduratsua bezalako gaiak aztertzen dituzte, funtsezko gai horiei buruzko hausnarketa eta elkarrizketa sustatuz. Horrela, dantza gizarteratzea, justizia eta iraunkortasuna sustatzeko tresna bihurtzen da.
Eszenatokiaren atzean egindako lana ezagutzea
Dantzatik haratago goaz, obra artistiko bat posible egiten duten profesional guztien lana balioetsiz. Bitartekaritza-proiektuen bidez, dantzarien, koreografoen, eszenografoen, aldagelarien, teknikarien eta esperientzia artistiko oso bat sortzen laguntzen duten gainerako pertsonen lana ikusarazten dugu.
Inklusioa eta aniztasuna
Dantza, funtsean, hizkuntza unibertsala da, oztopo kultural eta sozialak gainditzen dituena. Botere horren jakitun gara, eta bitartekotza-proiektu inklusiboak eta guztiontzat eskuragarriak direnak diseinatzen ditugu. Hainbat kolektibo eta jatorritako pertsonek dantzaren bidez konektatu ahal izateko espazioak sortzen ditugu, enpatia, errespetua eta ulermena sustatuz.
DANTZA GELARA
Dantza Gelara, ikastetxeei zuzendutako proiektu artistiko eta pedagogikoa da, emozioen kudeaketa eta kultura modu sinkronizatuan lantzeko modu berritzailea. DAB konpainiak murgiltze aste bat eskaintzen dio dantza eta sorkuntza artistikoaren munduari, talde-lanaren eta inspirazio iturri berrien bidez. Astebetez, ikasleek liburuak eta pantailak alde batera utziko dituzte ikuskizun bat sortzeko, esperientziari gorputzarekin aurre egiteko, banaka eta taldean balioa emanez.
MUSEO, KOLEKTIBO, ERAKUNDE ETA ENPRESENTZAKO TAILERRAK
Sentsibilizazio-tailerrak, dantza garaikidea gizarteko hainbat kolektibori hurbiltzeko sortu dira. Helburu desberdinak izan ditzazkete, osasunera, gai jakin bat ikastera eta lantzera, sormenera edo ikerketara bideratuta egon daitezke, baina denek dute dibertimendua oinarri. Ordu bat eta bi arteko tailerrak diseinatzen ditugu, talde, helburu eta espazio bakoitzera egokituz eta dantza garaikidea izanik lan tresna nagusia. Tailer hauek museo, kolektibo, erakunde, enpresa eta abarrentzat dira.
AURRERA ERAMANDAKO PROIEKTUAK
EMERGIENDO DE LA NADA, EMAUS GIZARTE FUNDAZIOAREKIN LANKIDETZAN
Munto-ko partaideekin “Emergiendo de la Nada” izeneko dantza garaikideko sorkuntza egin genuen, Emaus Fundazioarekin elkarlanean egindako proiektua. Emanaldia, Nomada Jaialdian antzeztu zen, Donostiako Antzoki Zaharrean.
Zu-Dantzan!
Nœud emanaldi berriari lotutako proiektua da. Obra sortzeko prozesuan zortzi tailer egin ziren; alde batetik, konpainiako dantzariek inspirazio-iturri berriak eskuratu zituzten, eta, bestetik, dantza garaikideko emanaldi baten sorkuntzan parte hartzeko aukera izan zuten parte-hartzaileek. Tailerrak San Telmo Museoan, Chillida Lekun, Albaola Itsas Kultur Faktorian eta Cristóbal Balenciaga Museoan egin ziren, Nœud obrak duen lotura zuzenagatik. Proiektua Errenteriako Niessen antzokian amaitu zen, zortzi tailerren laburpen bideo batekin eta DAB dantza konpainiaren entsegu ireki batekin. Bertan erakutsi zen lortutako inspirazio guztia nola integratu zen Nœud-eko koreografian.
Zu-Dantzan! Eusko Jaurlaritzaren BITARTEZ programaren barruan.