Zorioneko topaketa:

Marina eta Iker, dantza maite duten bi arima dira eta Dantzaz konpainian ibili ziren. Esperientzia partekatu horrek elkarlan baten garra piztu zuen, geroago DAB dantza konpainian gauzatuko zena. 2022an, proiektu berri honetan murgiltzea erabaki zuten, dantza gizarteko gai garrantzitsuak aztertzeko eta komunikatzeko tresna gisa erabiltzearen ikuspegia partekatuz.

Dantza garaikidea espresio sozial gisa:

DAB dantza konpainia, dantza garaikidea gaur egun gizartean dauden arazoei aurre egiteko erreminta gisa erabiltzen duelako nabarmentzen da. Ikusleak entretenitzea ez ezik, hausnarketara eta elkarrizketara gonbidatzea ere du helburu. Horretarako, konpainiak ez du dantza bakarrik egiten, beste diziplina artistiko batzuetako elementuak ere barneratzen ditu, hala nola musika, antzerkia eta arte bisualak, transmititu nahi den mezua aberasten duten dimentsio anitzeko esperientziak sortuz.

Dantza demokratizatuz, guztiengana hurbilduz:

Dantzaren botere eraldatzaileaz jabetuta, DAB dantza konpainiak ikuskizunak sortzeaz gain, bitartekaritza proiektuak ere egiten ditu, dantza garaikidea gizarteko kolektibo desberdinetara hurbiltzeko helburuarekin. Proiektu horiek bereziki gizartean baztertuta geratzeko arriskuan dauden taldeetara eta eskoletara zuzenduak daude eta dantzak adierazpen modura duen garrantziaz sentsibilizatzea eta sorkuntza artistikoan parte-hartze aktiboa sustatzea dute helburu.

Etorkizun oparoa:

Bere ibilbide laburrean, DAB dantza konpainiak ahalmen handiko konpainia berri gisa agertzea lortu du. Dantza garaikidea gizarte adierazpenerako tresna gisa erabiltzearen konpromisoari esker eta bitartzekaritza artistikoen proiektuei esker, etorkizun oparoa duen konpainia bihurtu dira, eta, zalantzarik gabe, zeresan handia emango du euskal dantzaren eta nazioarteko dantzaren panoraman.